L'otru día felicitamos a "la selección de bolos de Llaviana" por quedar campeones d'Asturies.
Siguiendo col homenaxe vamos repasar les boleres que pelos años 50-60 había na Pola (Llaviana) y nes que de xuru los güelos y padres d'estos campeones facíen buenes cuatreades.
Estes boleres yeren le siguientes:
*La bolera de Casa Fefa, na Calle d'Atras frente Casa Cabaña (güey Bar Suiza)
*La bolera de Casa Josepín que llueu fue'l Llagarón (agora ta la mueblería Martínez)
*La bolera de Fernando, no que agora ye la Pista Fontoria
*La bolera del Hogar del Productor, que taba'n mediu la Avenida y del que nun queda ni rastru. De toes elles fue la única que conocí cuando lo llevaba Argentina la del Xerrón.
Nun pueblín que yera daquella la Pola, teníen cuatro boleres (güey una y gracies) lo que diz munchu de la manera de divertise por entós, cuandu nun había tanta priesa nin tantu refalfiu, y la vida nel pueblu yera mas senciella y sin tantu traxín.
No hay comentarios:
Publicar un comentario